Pendent era darrèra session extraordinària deth Plen deth Conselh Generau d’Aran, s’aprovèc eth padron de cobrament dera taxa deth servici de recuelhuda de lordères d’enguan. Entad aguest exercici, eth padron aurà un còst d’1.475.000€, un increment de lèu 38.000€ respècte ath padron der an 2016.

Ath delà, eth plen tanben aprovèc era contractacion entara Explotacion des sistèmes de sanejament dera Val d’Aran a favor d’ua UTE de Valéncia, qu’a presentat era aufèrta economica mès avantajosa.

Aguesta adjudicacion manque per hèr, pr’amor qu’era UTE encara a de presentar bèra documentacion complementària, mès un viatge sollucionat, poderà amiar a tèrme era explotacion damb normalitat.