Dejà s'apròpe eth nau Cicle Romanic Musicau dera Val d’Aran, que se celebrarà es pròplèus diuendres 14 d’abriu ena Glèisa de San Andrés de Salardú (tàs 20:45 ores) e dimenge 16 d’abriu ena Glèisa dera Purificacion de Bossòst (tàs 19:30 ores). 

Rebrembam qu'aguestes activitats son totauments gratuïtes e estan formades per ua projeccion audiovisuau sus era glèisa a on se celèbren, damb comentaris dera istoriana expèrta en romanic aranés, Elisa Ros, e finalize damb un concèrt de musica classica.

Diuendres actuarà ena Glèisa de Salardú eth grop Syrinx, un trio de flaüta e violoncèl, mentres que dimenge en Bossòst ac harà Trio Amor Fino, damb votz e piano. 

Eth consolidat Cicle de Romanic Musicau aranés ei patrocinat peth Conselh Generau e Foment Torisme Val d’Aran, damb era collaboracion der Institut d’Estudis Ilerdencs e er Archiprestat dera Val d’Aran.

Ua activitat mès entà gaudir dera Setmana Santa ena Val d'Aran.