Es ossi dera Val d'Aran comencen a èster visti per desparièrs parçans deth territòri. Pendent es darrèri dies es agents de Medi Naturau deth Conselh Generau d'Aran an captat desparières imatges de Pyros (de 28 ans) damb camares de fòto trampeig en Vielha e Mijaran. Ues imatges a on se pòt veir a Pyros actiu dempús de desvelhar-se aguest iuèrn. Tanben s'an captat desparières imatges d'ua ossa, damb dus ossardets neishudi pendent 2016, que suposadaments serienn de Bambou (hilha de Hvala e d'un mascle d'Eslovénia). E tanben s'an captat imatges de Goiat, er os que siguec liberat en Palhars Sobirà pendent 2016 laguens deth programa Pyroslife, e qu'aestat vist en Vielha e Mijaran. En aguest cas, Goiat a estat localizat gràcies ath colhar GPS.


IMATGE: Conselh Generau d'Aran