En darrer plen der Ajuntament de Naut Aran, cellebrat eth passat mes de deseme, s’aproveren es pressupòsti de 2017. Un totau de 5.688.200 euròs que se destinaran, en gran part, a despenses de personau e despenses corrents de bens e serveis. D’aguest totau, peth moment 200.000 euròs se destinaran a inversions en melhores.

Normauments, non ei enquia eth mes de març quan se sap eth totau de remanents de tesorería e se pòt començar a dar lum verda as inversions particulars entàs pòbles. Encara e atau, enguan, ja s’an  invertit aguesti 200.000 euròs en diuersi projectes ta diferents pòbles deth Naut Aran.

Des der Ajuntament, ja an clar quines aurien d’ester es següentes melhores a realisar en municipi pendent aguest an 2017.

Entà Naut Aran, era major part deth pressupòst ven des impòsti directes e es aportacions dera estacion de Baqueira, ei per acrò que enquia que non se veigue quin a estat eth resultat dera tempsada non se pòt conèisher eth totau des inversions.

Peth moment, er Ajuntamnet de Naut Aran començe aguest 2017 damb uns pressupòsti que superen en 188.000 euròs es der passat 2016.