Dejà ei prèst eth pròplèu Cicle Romanic Musicau dera Val d’Aran, que se celebrarà es dies 14 d’abriu ena Glèisa de San Andrés de Salardú (tàs 20:45 ores) e 16 d’abriu ena Glèisa dera Purificacion de Bossòst (tàs 19:30 ores), en tot coincidir damb es celebracions de Setmana Santa.

Aguestes activitats gratuïtes començaràn damb ua projeccion audiovisuau sus era glèisa a on se celèbren, damb comentaris dera istoriana expèrta en romanic aranés, Elisa Ros, e finalize damb un concèrt de musica classica.

Eth consolidat Cicle de Romanic Musicau aranés ei patrocinat peth Conselh Generau e Foment Torisme Val d’Aran, damb era collaboracion der Institut d’Estudis Ilerdencs e er Archiprestat dera Val d’Aran.

IMATGE: CONSELH GENERAU D'ARAN