Es Campionats d’Espanha d’Esquí d’Hons en Tecnica Liure e Relèus aueren lòc es passats dissabte 25 e dimenge 26 de març ena estacion aranesa Baqueira Beret.

Aguest eveniment, organizat pera Reau Federacion Espanhòla d’Espòrts d’Iuèrn(RFEDI) e era Federacion Catalana d’Espòrts d’Iuèrn (FCEH) compdèc damb era participacion de mès de 130 esquiaires de tota Espanha, ath delà de participaires procedents de diuèrsi lòcs de França, Andòrra e eth Marròc.

Eth dissabte auec lòc era competicion de Tecnica Liure, jornada que siguec mercada peth gran trebalh des esquiaires aranesi, que s’emportèren tà casa un totau de cinc medalhes: Marta Cester e Lydia Iglesias s’emportèren er aur enes categories senior e U20, respectivaments; María Iglesias e Pablo Moreno era plata enes categories U16 e U12; e Marta Moreno s’hèc damb eth bronze en U16.

Dimenge, en Campionat de Tecnica de Relèus, Marta Moreno artenhec era dusau posicion ena categoria U16, amassa damb es sòns companhs Martí Forcada e Martín Morales, mentre que Marta Cester, acompanhada de Sergi Brau e Gral Selles, obtiege era tresau posicion ena categoria absoluta.

Uns grani resultats entà es nòsti esquiaires, que demostrèren, un còp mès, es sues granes facultats esportiues.

IMATGE: RFEDI