Èxit deth programa Esport Blanc enes escoles dera Val d'Aran

08/02/2017

Dejà s’a presentat en Vielha era 4au fasa deth programa Esport Blanc Escolar. Aguest programa, impulsat pera Generalitat de Catalonha, era Federacion Catalana d’Esports d’iuèrn, es dipotacions e conselhs comarcaus, forme part deth Pla Estratègic d’Esports d’iuèrn de Catalonha e preten apropar er esquí a toti es mainatges e mainades de 3au e 4au de primaria des 38 centres inscrits.

Eth programa comencec era sua pròva pilòt pendent eth curs 2013-2014 e des d’alavetz a anat creishent en nombre de centres e alumnes, aue dia casi 1.500 alumnes de 9 comarques gaudissen der esquí en orari lectiu.

Ena Val d’Aran uns 180 alumnes des Escòles Garona de Vielha, Sant Ròc de Bossòst, Escòla Estudi Alejandro Casona de Les e era ZER Val d’Aran aprofiten dejà era oportonitat qu’aufrís eth programa Espòrt Blanc Escolar entà aprener e gaudir des 8 sessions d’esquí nòrdic, esquí alpin e snowboard acompanhats de monitors especializats e des propis mestres.

Eth programa, mejançant es ajuts economics des institucions, es estudis, era AMPA e es pròpies estacions d’esquí, corbís practicaments era totalitat des despenses de materiau, transpòrt e forfait generades, de manera qu’es pares sonque an de pagar 25 euros entà qu’es sons hilhs e hilhes poguen hèr era activitat.

Peth moment, des des escòles dera Val d’Aran se reconeish er èxit d’aguesta activitat entre es alumnes, entà molti eth prumer contacte damb era nheu e er esquí, e se demore qu’eth programa contunhe pendent molti mès ans.

Clara Villar