Eth 5 d'agost naua edicion dera Ultra Trail Naut Aran

01/08/2017

3 modalitats: Ultra Trail (85 kms), Trail (53 kms) e Short (21 kms)

Eth municipi de Naut Aran acuelh enguan ua naua edicion d'ua des pròves de running mès fòrtes que existissen, era Ultra trail Naut Aran. Eth 5 d'agost un totau de 116 corredors preneràn era gessuda en Salardú entà disputar es 3 modalitats premanides enguan: Ultra Trail de 85 kms e 5200 mètres de desnivèu positiu, Trail de 53 kms e 2700 mètres de desnivèu positiu, e Short de 21 kms e 1500 mètres de desnivèu positiu. Pendent era corsa se pugen pòrts tanplans durs coma son eth Tuc dera Pincèla, era Colhada de Varradòs e lòcs de pas coma Montgarri o es Banhs de Tredòs. Ua autentica luta de supervivença pes montanhes dera Val d'Aran, en tot córrer pera natura.

Gessudes:

- Ultra Trail: 06:00

- Trail: 07:00

- Short: 08:00


Eth liurament de prèmis aurà lòc ena Sala Polivalenta de Salardú entara Short (18:00) e era Trail (20:00), mentre qu'entara Ultra Trail, se realizarà dimenge 6 d'agost entàs 12:00 tanben ena Sala Polivalenta de Salardú.
Manu Moga