Bona notícia entar alumnat der Institut d’Aran, pr’amor qu’era sedença des Pròves d’Accès ara Universitat tornarà a èster era Val d’Aran. Ac serà per dusau an consecutiu, çò que permet qu’es alumnes aranesi non agen de desplaçar-se entà Lleida a realizar-les.

Arrebrembam qu’est an passat es Pau sigueren realizades per prumèr viatge ena istòria ena Val, mès concretaments en Institut d’Aran, qu’acuelhec aguestes pròves en junhsèga.

Quauquarren que s’artenhie dempús d’ua demana des estudiants de Bachelierat deth centre, e damb supòrt der equipa docent der Institut d’Aran e deth govèrn aranés.

Enguan, es PAU se tornaràn a celebrar en Institut d’Aran, çò que supause un auanç important entar alumnat der Institut e entàs sues familhes. En aguest sens, es alumnes s’estauvien auer-se de desplaçar lèu 200 km de distància entà examinar-se e auer-se de lotjar en un otèl o residéncia pendent es dies enes que s’amien a tèrme es pròves. 

Alegria, totun, contenguda, pr’amor qu’era arrason pera quau se hèn es PAU en Aran ei pera situacion dera Covid-19.

Ua luta ena qu’es alumnes aranesi, es professors der Institut d’Aran e eth Conselh Generau d’Aran son amassa entà guanhar e arténher qu’es PAU se realizen en parçan de forma permanent.