Dempús dera amassada mantenguda en Vielha entre er Institut d'Estudis Aranesi- Academia Aranesa dera Lengua Occitana e era Comission de Lengua des Illustres Collègis d'Avocats de Catalonha, a on se metec en evidéncia er usatge deficitari der aranés en encastre juridic, se preneràn mesures entà fomentar er us dera nòsta lengua enes jutjats.

S'impulsaràn diuèrses iniciatiues coma era collocacion de pannèus en jutjat de Vielha entà qu'es vesins sàpien que pòden emplegar er aranés o packs de benvenguda entàs jutges destinadi en Aran entà dar-les a conéisher era realitat lingüistica deth territòri.

Pendent aguesta amassada tanben s'analisèc era senténcia deth TC qu’anullèc eth tèrme preferent der aranés ena Lei der Occitan, aranés en Aran per considerar qu'aguest terme pretenie autrejar-li nòsta lengua un estatus juridic superior ath catalan o eth castelhan, mentre çò que pretenie ère deféner e protegir ua lengua minoritària.