Es alumnes de cicle miei e superior de primària dera Escòla Ruda de Salardú dejà an autrejat toti es materiaus remassadi es passats dijaus e diuendres entàs refugiats.

Pendent eth maitin de deluns eth grop anèc a Graus damb un autobús aufrit per Ajuntament de Naut Aran, a on les demorauen es coordinadores de Ribagorça Solidària.

Un còp aquiu, dempús de descargar era totalitat de materiaus remassadi, participèren diferents activitats entà apréner coma ei era vida en un camp de refugiats e perque ei tan necessària era sua ajuda.

Un projècte qu’a servit as mès petits a enténer un shinhau mès era complicada situacion que viuen es refugiats e que a demostrat era gran solidaritat de toti aqueri que s’apropèren era setmana passada a donar e sustot des alumnes dera Escòla de Salardú.