Eth departament d'agricultuara dera Generalitat de Catalonha comence a pagar a compdar d'aué, 24 de març, es impòrts corresponenti ara campanha de 2016 des ajudes agroambientaus de gestion e recuperacion de prats de dalh. Aguestes ajudes, damb compromisi a 5 ans vista, s'inclodissen laguens deth PDR.cat2020, en tot èster cofinançat peth Hons Europèu Agricòla de Desevolopament Rurau (FEADER).

Ena Val d'Aran er impòrt exacte ei de 16.232,64 € qu'anarà destinat a un totau de 18 beneficiaris. Er objectiu d'aguesta linha d'ajudes ei fomentar era recuperacion e conservacion des escosistèmes de prats de dalh, de sòrta que s'artenherà un paisatge damb un increment dera biodiuersitat. Aguesta mesura inclodís era racionalizacion des profitaments ramadèrs extensius e semi-extensius en tot incentivar as cargues ramadères, e era realizacion de trebalhs culturaus que garantizen era conservacion des abitats, entre d'auti.