Era Val d’aran torne a èster present en ua naua edicion dera Hèira Internacionau de Torisme que se celèbre en recinte dera Feria de Madrid. Enguan, FITUR, qu’a lòc deth 18 ath 22 de gèr, artenh dejà era 37au edicion e ei er emplaçament de trobada globau entàs professionaus deth torisme. Era Val d’Aran, a participat damb un stand laguens de Catalonha, e a agut amassades damb touroperadors e periodistes de desparièrs parts deth mon. Ua hita ena quau ei plan importanta era preséncia deth país.

Enguan, era hèira de FITUR vire ath tor dera sostenibilitat. En aguest sens, era Val d’Aran ei ua des destinacions toristiques reconeishudes peth sòn trebalh vers a suenhar deth miei ambient en tot hèr emplec d’ua economia sostenibla.

Era Val d’Aran hè part de FITUR a on a representacion institucionau mès tanben de desparières empreses deth territòri que vòlen profitar era escasença entà promòir eth torisme dera Val d’Aran pendent es 365 dies der an.