Era planta de gas naturau de Bossòst dejà foncione damb normalitat

17/01/2017

Mès de 20 familhes dejà estauvien sòs damb aguesta naua infraestructura

En pòble de Bossòst dejà s’utilize era energia deth gas naturau gràcies ara dubertura dera naua planta que servirà entà que mès de 20 familhes aué dia poguen estauviar-se sòs a finau de mès.
Es òbres se comencèren a executar hè un parelh de mesi pera enterpresa privada e encara se trapen en sòn procès finau pr’amor que i a zònes deth pòble que non les i a arribat era naua energia. Son exemples es carrèrs Grauèr, Sant Antòni, San Serat, Casteràs, entre d’auti.

Aguest nau sistèma energetic serà profitat per lèu 200 persones e se demore qu’aguesta donada vage aumentant enquia arribar ath mes d’abriu. 
Eth còst dera òbra a estat assumit pera enterpresa privada e ascendís a lèu 500.000 euròs. Er Ajuntament de Bossòst sonque a hèt bèra melhora en sistèma d’aigües.

Manu Moga