Era Glèisa Sant Joan d'Arties acuelh era exposicion "Lums e +"

06/02/2017

Es artistes Imma Llauradó e Amaya Ezcarra expausen òbres hètes damb husta, papèr e estalhants

Era Gléisa Sant Joan d’Arties acuelh a compdar d’aguest mes de hereuèr enquiar 1 d’abriu, era exposicion” Lums e +. madera, papel o tijera” des artistes Amaya Echazarra e Imma Llaurador. Un conjunt d’escultures que mos apòrten desparières tematiques e coma eth sòn nòm ditz, son hètes damb husta, papèr e estalhants.

Ua des òbres mès corioses, ei era que hè referéncia ara hèsta deth Taro, entà Sant Joan, que’ei un des simbèus culturaus mès suenhadi deth pòble d’Arties.

Era exposicion ei decorada damb un conjunt de lutzes de diuèrses formes, e hètes damb papèrs e hustes. Era entrada ei gratuïta e se pòt visitar de deluns a dissabte de 5 a 8 deth vèspe.

Manu Moga