Destacada
Era Generalitat da lum verda ara ampliacion de Baqueira enquiath Parc Nacionau d'Aigüestòrtes
19/05/2017
Dempús d'un an, aguest informe favorable desblòque era propòsta que preten milhorar era afluéncia d'esquiaires der Alt Àneu
Eth projècte de Baqueira-Beret de esténer era estacion ath Pallars Sobirà rebec ager era aprobacion dera Generalitat de Catalonha.
Era Comission d'Urbanisme deth Pirenèu emetec un informe favorable ath projècte, que requerís era installacion d'un remontador en airau periferic deth Parc Nacionau d'Aigüestòrtes, ua actuacion inedita enquiara e qu'a paralisat era iniciativa tot un an.
Er informe favorable dera Comission desblòque era propòsta, que seguirà eth sòn cors dauant Urbanisme e se sotmeterà ara avaloracion ambientau dera Generalitat.
Rebrembam que Baqueira dejà artenhec er informe favorable ara installacion deth remontador per part des servicis tecnics deth Parc d'Aigüestòrtes quan, eth passat mes de març, era Comission les ac sollicitèc. Enes sues conclusions, alegueren qu'eth projècte "non ei contrari" ara normatiua qu'afècte ad aguest espaci protegit.
Deuant era planificacion urbanistica en vigor des deth 2002, era que promò Baqueira ara prevé resituar telesères, damb traçats que les protegissen deth vent entà garantir era sua dubertura es dies de mau temps. Ad aguesta propòsta l'acompanhe ua reduccion deth domini esquiable, qu'ena zòna de Peülla-Muntanyó-Rialba passarie de 732 ectares a 693. Se contemple tanben reordenar es zònes de parcatge e servicis e abilitar installacions entà arrecéber as visitants que provien deth Parc.
Damb aguest projècte s'impulsaràn dus airaus de servicis, eth prumèr en Clòt Gran, damb quate remontadors e un parcatge damb accès ara C-28, e eth dusau en Cap deth Pòrt, damb tres telesères que connectaràn damb es deth Clòt Gran e dus parcatges.
Era estacion d'esquí aranesa considère aguest projècte imprescindible entà poder aumentar era afluéncia d'esquiaires que provien der Alt Àneu, donades que pendent es darrèrs 14 ans an estat per dejós des expectatives.
Baqueira prevé desvolopar aguest nau plan urbanistic en tres fases de sies ans cadua, damb ua inversion totau de 22'8 milions d'euròs.
IMATGE: BAQUEIRA BERET
Era Comission d'Urbanisme deth Pirenèu emetec un informe favorable ath projècte, que requerís era installacion d'un remontador en airau periferic deth Parc Nacionau d'Aigüestòrtes, ua actuacion inedita enquiara e qu'a paralisat era iniciativa tot un an.
Er informe favorable dera Comission desblòque era propòsta, que seguirà eth sòn cors dauant Urbanisme e se sotmeterà ara avaloracion ambientau dera Generalitat.
Rebrembam que Baqueira dejà artenhec er informe favorable ara installacion deth remontador per part des servicis tecnics deth Parc d'Aigüestòrtes quan, eth passat mes de març, era Comission les ac sollicitèc. Enes sues conclusions, alegueren qu'eth projècte "non ei contrari" ara normatiua qu'afècte ad aguest espaci protegit.
Deuant era planificacion urbanistica en vigor des deth 2002, era que promò Baqueira ara prevé resituar telesères, damb traçats que les protegissen deth vent entà garantir era sua dubertura es dies de mau temps. Ad aguesta propòsta l'acompanhe ua reduccion deth domini esquiable, qu'ena zòna de Peülla-Muntanyó-Rialba passarie de 732 ectares a 693. Se contemple tanben reordenar es zònes de parcatge e servicis e abilitar installacions entà arrecéber as visitants que provien deth Parc.
Damb aguest projècte s'impulsaràn dus airaus de servicis, eth prumèr en Clòt Gran, damb quate remontadors e un parcatge damb accès ara C-28, e eth dusau en Cap deth Pòrt, damb tres telesères que connectaràn damb es deth Clòt Gran e dus parcatges.
Era estacion d'esquí aranesa considère aguest projècte imprescindible entà poder aumentar era afluéncia d'esquiaires que provien der Alt Àneu, donades que pendent es darrèrs 14 ans an estat per dejós des expectatives.
Baqueira prevé desvolopar aguest nau plan urbanistic en tres fases de sies ans cadua, damb ua inversion totau de 22'8 milions d'euròs.
IMATGE: BAQUEIRA BERET
Clara Villar