Era Fundacion Pere Tarrés renóncie ara gestion dera Aubèrja Era Garona de Salardú, coma ère previst coma adjudicatari dempús deth concors public que guanhèc en 2016. Segontes an comentat hònts dera fundacion, coma deth Conselh Generau d’Aran, aguesta renoncia s’a amiat a tèrme pr’amor qu’ath Conselh li manquen diuèrsi documents administratius basics qu’era fondacion requerís entà poder començar era explotacion dera gestion dera Aubèrja. Er inici d’aguesta gestion auie coma data limit eth 24 de hereuèr, e per tant, deuant dera impossibilitat d’auer aguesti documents, era fondacion a hèt ua passa endarrèr.

Damb aguesta naua gestion, eth Conselh garantie es 13 lòcs de trebalh fixes-discontinus des trebalhadors que dejà i auie ena aubèrja. Ara, damb aguesta renoncia, eth Conselh sajarà d’auer es documents actualizadi, e se tot va ben plentejarà un nau concors públic entara gestion dera aubèrja, a on gesserà a licitacion ua plaça de responsable e ua dusau de comptable-recepcioniste, se ven encara non se pòt assegurar aguest tramit enquia auer era documentacion basica.

Enes pròplèus setmanes coneisheram era decision finau deth Conselh, en çò que tanh ara gestion dera aubèrja Era Garona, a on era Fundacion Pere Tarrés poderie tornar a presentar-se, pr’amor que s’es documents siguessen prèsti, mantierien er interès en gestionar aquest equipament.