Pendent era darrèra dimenjada deth 14 e 15 de gèr, era estacion deBaqueira-Beret qu’acuelhec era 2au edicion deth Trofèig AC Hotels CAEI que supause, ath delà, era pròva inaugurau dera Copa Masters qu’organize eth CAEI amassa damb era Real Federación Española  de Deportes de Invierno.

Dempús des nheuades que i agut en territòri, eth circuit auie mès de 70 centimetres de nheu nau, entà acuélher ua pròva qu’amassaue a esquiaires de mès de 30 ans. Dissabte se celebrèc eth Gigant, a dues mangues, damb ues bones condicions climatologiques.

Ena categoria Open es guanhadors sigueren Rafa Mombiedro e Elisabeth Barés. Ena categoría 1, guanheren, Daniel Sánchez e Elisabeth Cuello. Ena categoria 2, era victòria siguec entà Marc Grau e Judith Lluent. Es vencedors ena categoria 3, sigueren Javier Cardeñes e Gabriela Puncernau. Ena categoria 4, era victòria siguec entà Toni Blanc e Maria Vicinay, e fin finau ena categoria 5, eth guanhador siguec Juan Apesteguia.

Aguesta competicion non ei dirigida sonque a excorredors, senon qu’ei duberta a tot tipe de participaires. Dimenge, per rasons climatologiques, pr’amor que nheuaue fòrça, non se podec celebrar er slalom. Era hèsta finau auec lòc en Otel AC Baqueira a on se liureren tanben es prèmis dera dimanjada. Era Copa Masters contunharà en Navacerrada, Formigal e finalizarà en Sierra Nevada en abriu.