Destacada
Diuèrsi centres dera Val d'Aran dejà an celebrat eth 10au Festival de Teatre ena Escòla
28/04/2017
Eth Conselh Generau d’Aran a trauès deth Departament de Cultura e Lengua a organizat eth 10au Festivau de Teatre ena Escòla.
Pendent aguesta setmana es alumnes des escòles Alejandro Casona de Les, Sant Ròc de Bossòst, Loseron d’Arties e Garona de Vielha an interpretat es diferentes òbres de teatre en aranés que portauen dies premanint-se.
Ua activitat culturau e fòrça divertida tàs petits, e qu'ath delà ajude a fomentar er aranés. Es representacions an agut lòc ena Sala d’actes der Ajuntament de Les e ena dera Escòla Garona de Vielha, e es estudis qu'ac auien de besonh an agut ara sua disposicion autobusi entath desplaçament des sòns escolans.
Eth Conselh a ajudat enes despenes que se podien originar damb 240 euròs per escòla o grop d’escòles participantes e harà un CD damb fòtos e un vidèo dera òbra a cadun des estudis.
IMATGE: CONSELH GENERAU D'ARAN
Pendent aguesta setmana es alumnes des escòles Alejandro Casona de Les, Sant Ròc de Bossòst, Loseron d’Arties e Garona de Vielha an interpretat es diferentes òbres de teatre en aranés que portauen dies premanint-se.
Ua activitat culturau e fòrça divertida tàs petits, e qu'ath delà ajude a fomentar er aranés. Es representacions an agut lòc ena Sala d’actes der Ajuntament de Les e ena dera Escòla Garona de Vielha, e es estudis qu'ac auien de besonh an agut ara sua disposicion autobusi entath desplaçament des sòns escolans.
Eth Conselh a ajudat enes despenes que se podien originar damb 240 euròs per escòla o grop d’escòles participantes e harà un CD damb fòtos e un vidèo dera òbra a cadun des estudis.
IMATGE: CONSELH GENERAU D'ARAN
Clara Villar