Era tarde de dissabte passat era AF Les s'afrontaue a un dificil e important partit en casa. Arrecebie ar Alcarràs situat en posicions davantières e damb aspiracions a poder jogar eth Trofèu Pepito Esteve, que jòguen eth tresau e quatau de cada grop. 

Eth partit començaue ben entàs aranesi, que s'auançauen damb un gòl d'Hector Moreno, mès es visitants non perderen era esperança, e gràcies ath sòn jòc dirècte e as errors dera equipa aranesa tant en defensa com en atac, virèren eth mercador. Era mieja part acabaue damb un 1-3 e damb un Les que contunharie lutant.

A inicis dera segona part arribaue er 1 a 4 en tot shutar un còrner en cuert. Tot seguit, Kike retalhèc distàncies ara gessuda de un aute còrner, mès es d'Alcarràs responien damb un aute gòl. 

Era AF Les hèc canvis ena sua disposicion tactica, en tot estonar ar Alcarràs. Encara semblaue que podien empatar eth partit damb es gòls de Ruben Rella e Luis Lanza, que deishauen eth mercador 4-5. 

Ara fin, un penalti e un aute gòl ath final deth partit deishauen eth resultat finau de 4-7 a favor des visitants e ath Les com a cuèr dera classificacion empatat damb era Granja d'Escarp, equip còntra eth que s'afrontaràn aguest pròplèu dimenge tàs 12:00 coma visitants.