Aguest vèspe, a compdar des 20:00, era UE Bossòst dispute un partit important en Luishon contra era equipa locau, e que volerà guanhar eth "Derby deth Portilhon". Era UE Bossòst arribe ath partit dempús d'empatar a 2 gòls ena anteriora jornada contra er Isle en Dodon. En aqueth partit es francesi guanhauen per 0 gòls a 2, e a 5 menutes dera fin deth partit, es de Quate Lòcs artenheren er empat. Ara madeish era UE Bossòst ei 3au ena classificacion damb 39 punts, es madeishi qu'eth Saint Gaudens. Per tant, partit important non sonque per jogar contra es vesins deth Portilhon, senon entà cercar pujar posicions ena classificacion, pr'amor que sonque son a 3 punts deth 2au classificat, eth Pyrénees Sud. Pera sua part, eth Luishon arribe ath partit 5au damb 33 punts, e per tant, se guanhèssen as aranesi, empatarien ena taula.