Canejan, eth dusau pòble aranés qu’obten era distincion de Vila Florida

23/03/2017

Aguesta iniciatiua some un totau de 98 municipis en tota Catalonha atau coma mès de 300 viuendes e espacis publics ath long deth territòri

Eth pòble de Canejan s’a incorporat ath projècte Viles Florides, ua iniciatiua dera “Confederació d’Horticultura Ornamental de Catalunya” (CHOC) que cerque era transformacion d’espacis, pòbles o ciutats senceres de Catalonha mejançant es flors e plantes ornamentals e que distingís as zònes que trebalhen pera transformacion des sòns espacis publics a trauès des espacis verds.

Canejan a estat eth dusau pòble dera Val d’Aran en formar part d’aguesta iniciatiua, dempús dera adesion de Bagergue ena passada edicion.

Entar Ajuntament de Canejan, formar part d’aguest projècte ei un reclam toristic mès entara poblacion. Segontes era Regidora deth consistòri, Noe Lastera: “Viles Florides supòse un pas mès en trebalh que realizam des der Ajuntament entà que visitants e vesins de Canejan poguen passejar per uns carrèrs nets, apraiadi e ben floridi”.

Clara Villar