Er Ajuntament de Bossòst e era associacion culturau “Lee o Muere” (e damb era collaboracion der Ajuntament de Les) organizen eth prumèr Hestivau de genre nere dera Val d’Aran: Black Mountain. Aguest eveniment aurà loc es dies 29 e 30 d’abriu e 1 de mai, e i assistiràn arreconeishudi escrivans e critics deth genre.

Pendent aguesti dies i an previstes activitats de tot tipe coma conferéncies literàries, concerts de musica e projeccion de pellicules, mès tanben ua gessuda ara montanha damb es assistents.