Destacada
Beret aurà 5 naues pistes d'esquí
Pendent era Comission d'Urbanisme celebrada aguest maitin en Conselh Generau s'an aprovat diuèrsi punts qu'afecten as municipis de Naut Aran, Vielha e Mijaran, Vilamòs, Era Bordeta e Arres
Ua des aprobacions mès destacables qu'a agut lòc en aguesta Comission ei era que contemple era creacion de cinc naues pistes d’esquí alpin en Plan de Beret, d'apuprètz un quilomètre cadua e que se poderàn gaudir dejà ena proplèu sason 2017/2018.
Quant ara senténcia contra era urbanizacion de Ruda, interpausada en an 2015, er Ajuntament de Naut Aran tramitèc ua modificacion resolent es aspèctes qu’era sentencia qüestionaue. Maugrat açò, s’a tornat a daurir un aute procediment contenciós en contra.
Entre d'auti, s’an aprovat tanben eth plan de melhora urbanistica de Vilamòs, que permeterà eth bastiment de naui abitatges e zònes otelères en municipi, e eth plan de melhora urbana dera còta 1500 de Baqueira que preten eth desvolopament urbanistic residenciau ena zòna, mès se trape pausat enquiara melhora deth document de mesures de prevencion peth perilh de lauegi.