Destacada
Bausen dejà a ua naua secretària
Meritxell Ortí trebalhe a compdar d'aué entà sajar de tornar ar ajuntament ara normalitat administratiua
A compdar d’aguest diuendres eth pòble de Bausen dejà compde damb era figura d’ua secretària en ajuntament. Dempús de lèu 6 mesi, enes qu’eth govèrn municipau auie demanat era preséncia d’un nau secretari, fin finau eth departament de governacion dera Generalitat de Catalonha a nomentat a Meritxell Ortí coma naua secretària.Ua grana notícia entà d’aguest pòble deth terçon de Quate Lòcs, pr’amor que portaue tot aguest temps arturat e en un blocatge administratiu e des comdpes fòrça greu.
Eth passat mes de març se procedic a convocar eth jurat qu’auie d’escuélher ath nau secretari de Bausen, e a compdar d’ara, segontes comente era bailessa, ara secretària li demore fòrça trebalh immediat, pr’amor que i a ahèrs que s’an de méter ath dia.
Eth pròplèu mes de mai er ajuntament celebrarà un nau plen municipau, a on era rèsta des membres deth consistòri poderà conéisher eth trebalh dera secretària. Ath delà, Bausen encara a pendent un ahèr plan delicat damb era entepresa ENDESA per un deute apruprètz de 450.000€.
Pendent era setmana que ven, der der ajuntament tornaràn a parlar damb ENDESA entà sajar d’arribar a un acòrd, que per ara, semble que non ei apròp de produsir-se. Com a mínim, eth consistòri, dejà non ei arturat e poderà començar a regularizar era sua situacion.