Era estacion aranesa se premanís entà acuèlher es proplèus 21 e 22 de gèr era tresau BBB Ski Race Experience, ua animada corsa compausada per tres pròves de diferents modalitats: slalom gigant, boardercross i freeride. 

De 10 deth maitin a 3 dera tarde deth dissabte 21, tant esquiadors coma snowboarders de totes es edats a compdar des sies ans auran era oportunitat de recórrer es installacions deth complèx de punta a punta, ja que cada pròva se realize en ua zòna diferenta dera estacion: Baqueira acuelherà era de slalom gigant, Beret era de boardercross e en Bonaigua aurà lòc era de freeride.

Era gessuda serà induviduau en compdes de massiva des d’eth Village installat en Baqueira 1500, e es etapes se poderan realizar en quinsevolh ordre segontes era preferència des participants.



Er slalom e eth boardercross se puntuaran segontes eth temps, mentre qu’eth freeride serà puntuat per un jurat. Toti aqueri que volguen guanhar punts extra sonque auran d'hèr-se un selfie enes quate punts mès nauti dera estacion, ei a díder, Dossau, Cap de Baqueira, Tuc de la Llança i Peülla.

Eth madeish dissabte tas 5 dera tarde aurà lòc ua rifa de presents en Village de 1500 e dimenge entara ua deth meddia aurà lòc era entrega de premis des diferents categories.

Er èxit dera tresau BBB Ski Race Experience ven avalat pera nauta participacion dera darrèra edicion, aon lèu 300 persones s’animeren a participar en aguesta particular e divertida corsa.