Bagergue ratifique es 4 flors d'aunor en concors "Viles Florides"

11/10/2018

Bagergue a estat un des dotze municipis de tota Catalonha qu’a artenhut quate Flors d'Aunor en Concors de Viles Florides. Aguest certamen arreconeish es municipis que trabalhen pera transformacion des espacis publics a trauès deth enjardinament e era melhora des espacis verdi. Tot e que era maxima puntuacion ei de 5 flors, encara cap pòble ac a artenhut, e de moment es 4 flors placen a Bagergue ena posicion mès nauta deth ranking.

Vila-Seca acuelhec er acte d’autrejament des prèmis, a on s’i apleguèren mès de 300 persones en tot representar es 130 municipis participants.

Era participacion en Viles Florides balhe prestigi as poblacions, ja que bèri des critèris que s’an de complir entà arténher es flors d’aunor son restacadi damb era sostenibilitat e eth respècte ath miei ambient. Quauquarren que semble que a agut repercussion en Bagergue.

Un ànim e ua illusion que ja están alugant es ganes de Bagergue entà premanir-se tara naua edicion deth pròplèu an de Viles Florides e lutar pes ansiades 5 flors d’aunor.

Laura Rodríguez