Bagergue licite es òbres de melhora deth Pònt de Pava

25/07/2017

Era passarèla ei maumesa arraïtz des aiguats de 2013 e ei un pas important entara zòna d'escalada

Era Entitat Menor Descentralizada de Bagergue a licitat era òbra entà apariar era passarèla deth Pònt de Pava, que dar accés ara zòna d’escalada deth pòble. Aguest pònt siguec maumetut enes aiguats der an 2013, e des der ajuntament vòlen hèr ua intervención de seguretat qu’ei de besonh e urgenta deuant der estat que mòstre aué dia.

Era licitación dera òbra ei avalorada en 57.700 € e se pòden presentar es aufèrtes avientes en ajuntament de Naut Aran enquiath pròpleu 25 d’agost. Ua òbra de besonh en tot tier en compde que supause er accés ara zòna d’escalada.

Un viatge licitada, es òbres se començarien a amiar a tèrme eth 12 de seteme pendent 3 mesi, en tot èster prèsta abantes der arribada des prumères nheuades der iuèrn.

Manu Moga