Era EMD de Bagergue a adjudicat, mejançant un concors public, era òbra entà reparar eth Pònt de Pava. Aguest trebalh aurà un còst de mès de 35.000 euròs e estarà finançat pera EMD damb es ajudes economiques dera Deputacion de Lhèida e er Ajuntament de Naut Aran.

Eth pònt, que da accès ara zòna d'escalada deth pòble, se veiguec seriosament afectat degut as aiguats que patic era Val d'Aran en an 2013.

Ara, damb es òbres que s'a previst que comencen a mejans de seteme e que duren 30 dies, se preten non sonque qu'era infraestructura torne ath sòn estat originau, senon tanben milhorar es mesures de proteccion deuant de possibles creishudes der arriu Unhòla.

Entà Bagergue aguesta ei ua òbra fòrça importanta e demorada, pr'amor que d'era depen era seguretat e er accès a ua zòna d'escalada qu'ei cada còp mès utilizada e qu'aufrís ua alternativa mès de torisme ara Val d'Aran. 

Era EMD a previst milhorar aguesta zòna e abilitar ua via ferrada lèu.

IMATGES: EMD BAGERGUE