Eth pòble de Bagergue compde des d’aguest ostiu damb un nau atractiu toristic coma ei era Rota des Espacis Florits.Ua rota que permet veir es desparièrs endrets d’interès deth pòble en tot tier en compde era decoracion des carrèrs, cases e corraus a trauès dera ornamentacion. Aguest projècte s’a amiat a tèrme coma part des actuacions a compdar deth reconeishement coma Vila Florida de Catalonha. D’aguesta manera, es visitaires deth pòble pòden veir un totau de 25 punts d’interès en tot visitar era màger part des carrèrs.

Era Rota des Espacis Florits servís entà qu’es visitaires puguen gaudir dera berèsa ornamentau deth pòble, en çò que lo place coma un des lòcs mès polidi dera Val d’Aran. Amassa damb Canejan e Arties, conformen es tres pòbles deth país qu’ara madeish dispausen dera distincion de Viles Florides.