Eth pòble d’Arties compde dejà damb dus punts de recarga Tesla que serviràn entà quinsevolh tipe de coches electrics. Aguesta hita convertís Arties en prumer pòble de tota Europa en incorporar aguesta naua tecnologia de manera pubica e gratuïta.

Ena Val d’Aran ja i auien tres punts de recarga enes hotels Rafael e Val de Ruda de Baqueira e en Hotel Acevi de Vielha, mès se tractauen de punts privats e exclusius entàs clients. En Arties, en canvi, ei eth pròpi Ajuntament qui se e càrrec des despeses entà poder aufrir de manera gratuïta aguest servei.

Se demore qu’aguesta naua incorporacion servisque entà incrementar eth nombre de visitants que, damb era necessitat de hèr a servir eth punt de recarga, aprofite dempús tà conseisher eth pòble e es serveis qu’aufrís.

Des d’era sua installacion, è pòc més d’ua setmana, aguesti punts de recarga ja an estat utilizats per un parelh de coches. Peth moment, non son guaires, mès des der Ajuntament se demore qu’era donada vage aumentant pendent es pròxims mesi.