Destacada
Amarga derròta dera AF Les deuant deth Rosselló CF (2-3)
01/04/2017
Es aranesi guanhauen 2-1 en descans e an vist coma es visitants les remontauen ena 2au part
Era AF Les a deishat escapar ua grana oportunitat entà gésser definitiuaments dera part baisha dera taula deth grop 13 dera 3au Catalana dempús de pèrder en casa per 2 gòls a 3 damb eth Rosselló CF. Eth conjunt locau auie fòrça esperances metudes en aguest partit entà arténher un gran resultat, pr'amor qu'es deth Segrià sonque son plaçadi 2 lòcs peth dessús ena classificacion.
Ben dora, eth Rosselló s'a auançat en marcador per miei de Marc Jordi Bañeres.Era reaccion dera AF Les a estat plan immediata e efectiua e abantes dera mieja part a artenhut era remontada damb un parelh de gòls. Prumèraments, Ruben Rella, maxim golejador dera equipa dejà damb 15 gòls ena liga, e posterioraments Luis Lanza, virauen eth marcador e lis dauen es 3 punts provisionaus, damb ua milhora en jòc, mès damb un resultat cuert.
Ena 2au part deth partit, eth jòc a estat fòrça escàs, mès equilibrat entre andues equipes. Un parelh d'errors des locaus les an profitat eth Rosselló entà arténher dus gòls per part de Ramon Pique e Marc Jordi Bañeres, que damb eth sòn dusau gòl deth partit certificaue era victòria des visitants.
Fin finau, es locaus non an podut empatar eth partit, e era derròta les dèishe un sabor amarg, pr'amor qu'an agut opcions d'emportar-se un melhor resultat.
"Ena prumèr part auem reaccionat plan ben ath gòl iniciau d'eri damb dus gòls en pòques menutes e eth resultat a estat cuert ath descans. Ena dusau part auem perdut eth contròl deth miei deth camp e eri an sabut trèir profit de dus errors nòsti entà guanhar es 3 punts. Ei un resultat decebedor, pr'amor qu'èrem convençudi de poder arténher era victòria", comentaue er entrenador dera AF Les, Martí Rovira.
Ara, es aranesi se mantien ena 15au plaça dera liga damb 17 punts e aurà de demorar as resultats de La Granja d'Escarp e er Aitona entà saber se baishe bèra plaça ena taula. Eth descens s'ac jogarà damb aguestes dues equipes pendent es darrères 6 jornades de liga.
Era pròplèu setmana, era AF Les descansarà e tornarà a jogar era dimenjada deth 22-23 d'abriu, en tot recéber era visita der Alcarras FC. Un partit contra un des conjunts plaçats ena part nauta dera taula e que cerque er ascens ara 2au Catalana.
Ben dora, eth Rosselló s'a auançat en marcador per miei de Marc Jordi Bañeres.Era reaccion dera AF Les a estat plan immediata e efectiua e abantes dera mieja part a artenhut era remontada damb un parelh de gòls. Prumèraments, Ruben Rella, maxim golejador dera equipa dejà damb 15 gòls ena liga, e posterioraments Luis Lanza, virauen eth marcador e lis dauen es 3 punts provisionaus, damb ua milhora en jòc, mès damb un resultat cuert.
Ena 2au part deth partit, eth jòc a estat fòrça escàs, mès equilibrat entre andues equipes. Un parelh d'errors des locaus les an profitat eth Rosselló entà arténher dus gòls per part de Ramon Pique e Marc Jordi Bañeres, que damb eth sòn dusau gòl deth partit certificaue era victòria des visitants.
Fin finau, es locaus non an podut empatar eth partit, e era derròta les dèishe un sabor amarg, pr'amor qu'an agut opcions d'emportar-se un melhor resultat.
"Ena prumèr part auem reaccionat plan ben ath gòl iniciau d'eri damb dus gòls en pòques menutes e eth resultat a estat cuert ath descans. Ena dusau part auem perdut eth contròl deth miei deth camp e eri an sabut trèir profit de dus errors nòsti entà guanhar es 3 punts. Ei un resultat decebedor, pr'amor qu'èrem convençudi de poder arténher era victòria", comentaue er entrenador dera AF Les, Martí Rovira.
Ara, es aranesi se mantien ena 15au plaça dera liga damb 17 punts e aurà de demorar as resultats de La Granja d'Escarp e er Aitona entà saber se baishe bèra plaça ena taula. Eth descens s'ac jogarà damb aguestes dues equipes pendent es darrères 6 jornades de liga.
Era pròplèu setmana, era AF Les descansarà e tornarà a jogar era dimenjada deth 22-23 d'abriu, en tot recéber era visita der Alcarras FC. Un partit contra un des conjunts plaçats ena part nauta dera taula e que cerque er ascens ara 2au Catalana.
Manu Moga