Pendent dissabte e dimenge se celebrarà en Baqueira era Copa dera Federacion Espanhòla d’Espòrts entà Cècs (FEDC). Un totau de 27 esquiaires damb discapacitacions visuaus grèus, acompanhats des sòns guides, participaràn ena dusau edicion d’aguesta corsa, qu’ei era darrèra pròva puntuable deth Campionat d’Espanha.

Deman, dissabte, de 17:00 a 21:00 ores aurà lòc en Otèl Montarto era Hèira deth Vin, a on per sonque 5 euròs poderàs degustar ua seleccion des melhors vins nacionaus, damb present inclodit. Ademés d’ua ampla carta de tapes per 1 euro.

En cinema Era Audiovisuau de Vielha s’emeterà eth film 50 Sombras más Oscuras, eth continuament deth fenomèn 50 Sombras de Grey, dissabte 18 tàs 18:00 dera tarde e 22:00 dera net, dimenge 19 tas 17:00 e 19:15 dera tarde e deluns 20, dia der espectador, tas 19:00 dera tarde e tas 22:00 dera net.