Agenda d’actiuetats entara dimenjada deth 3 ath 5 de març

03/03/2017

Aguest diuendres 3 de març tàs 19:30 ores se celèbre ena Bibliotèca Generau de Vielha ua trobada deth club de lectura en occitan entà comentar eth libre “Nòu contes de Nadal d’endacòm mai”.

Dissabte 4 tas 18:00 ores aurà lòc era actuacion de Xavi Lozano - El Quotidiofonista de Vielha en Scena en Era Audiovisuau. Era entrada a un prètz de 5 euròs.

Pendent es dies 4 e 5 de març s’organize en Baqueira Beret eth Campionat d’Espanha de mushing (corsa realizada damb lujes possats per gossets). Ath delà, era estacion d’esquí acuelherà tanben dissabte eth Top CAEI-FIS, eth Campionat d’Espanha U18-U21 e i aurà de 13:00 a 20:30 er Snow Day at Baqueira Beret, en Moët Winter Lounge damb session DJ Bling Bling.

En Bossòst aurà lòc dissabte ena net ua Hèsta de Magràs  damb sopar popular tas 21:30 e balh de net a compdar des 00:00 damb era orquèstra Bumeran. 

Eth cinèma Era Audiovisuau projectarà era pellicula “Es por tu bien”, damb José Coronado, Javier Cámara e Roberto Álamo, dissabte 4 tàs 20:00, dimenge 5 tàs 17:00 e tàs 19:30 e deluns 6 (dia der espectador) tàs 22:00.

Ath delà, entà toti aqueri interessats, eth Club Excursionista de Vilaller organize era cincau Gormanda Blanca, ua corsa e caminada popular damb raquetes. Entà mes info consultar aciu.

Clara Villar