Era hèsta de Magràs ei era protagonista d'aguesta dimenjada ena Val d'Aran. Es principaus pòbles e municipis deth país qu'organizen desparières hèstes entà celebrar aguesta jornada. Per un costat, eth cap-lòc, Vielha, celèbre diuendres 24 de hereuèr, de 17:30 a 19:30 ua hèsta en Palai de Gèu , damb entrada gratuïta entà toti es qui vagen disfrassadi. Dissabte 25 de hereuèr, tanben aurà lòc ua "Hèsta de Disfrassi" en Palai d'Espòrts a compdar des 18:00, a on i aurà un espectacle entà tota era familha damb era companhia "Corrandes d'animació". Era entrada ei gratuïta. Bossòst tanben celèbre Magràs dissabte 25 de hereuèr, damb era Passavila Troupe Clowns, damb chanques, pantre e equipa de son mobila. Tot açò ena Plaça dera Glèisa. Dempús, ena Sala Polivalenta, i aurà espectacle damb animadors, balh, umòr e jòcs. Tanben i aurà disco mobila e chicolatada entà toti es assistents. En Les tanben i aurà hèsta de Magràs dissabte 25 de hereuèr a compdar des 21:30 damb un sopar en Otèl Europa per 15€. (Trobada entàs 20:30 ena Plaça der Ajuntament). Dempús, era hèsta contunharà ena sala polivalenta. Ena estacion de Baqueira-Beret, tanben i aurà Magràs dissabte, damb Ski, rally fotografic e disfrassi. Toti aqueri que se difrassen participaràn en concors tà guanhar diuèrsi forfaits d'un dia. A compdar des 16:00, hèsta ena terrassa dera cafeteria Baqueira 1500, damb musica, cava, chicolate, pastís, e mès surpreses.

Diuendres 24 entàs 20:00, en Era Audiovisuau de Vielha aurà lòc ua charrada e audiovisuau damb Francesc Bailón, damb eth titol "Poetes de l'Artic. Històries de Groenlàndia".

Er espòrt tanben serà present pendent era dimenjada damb era corsa Kamikasse SBX, ua pròva de boardercross/skicross en paçan de Blanhiblar que supause eth Campionat de Catalonha. Organizat per Copos e CAEI, dissabte 26 de hereuèr.

Era Audiovisuau de Vielha aufrís un nau film entad aguesta naua dimenjada. "Múltiple" protagonizada per James McAvoy se poderà veir enes següentes sessions: dissabte 25 entàs 19:00 e 22:00, dimenge 26 entàs 17:00 e 19:30 e deluns 27 entàs 22:00 (dia der espectador).