Destacada
Actiuetats dimenjada deth 10 ath 12 de març
10/03/2017
Cinèma, Espòrt e Cultura entà tota era família
Aguesta dimenjada as fòrça motius entà gésser de casa, pr'amor que i a un pialèr d'actiuetats organizades entà tot tipe de publics. Diuendres 10 e dissabte 11 de març, Vielha acuelh era 1èra edicion deth Festivau Mendi Tour de cinèma de montanha damb un totau de 6 films que se projectaràn ena Sala Era audiovisuau de Vielha, a un prètz de 3€ per jornada. Se poderàn veir 6 des milhors films damb aguesta tematica, guardonades en Bilbao Mendi Film Festival.
Dissabte 11 e dimenge 12 de març, eth Palai de Gèu de Vielha ei eth scenari dera celebracion deth Campionat de Catalonha de Patinatge Artistic, damb un totau de 106 patinadors arribadi de desparièrs parts der Estat. Un totau de 6 categories, autant entà mainatges coma adults. Deth club CEGVA i aurà ua representacion de 10 patinadors.
Canejan celèbre pendent era jornada de dissabte 11 de març ua naua edicion dera hèsta des Barbacans. Ua tradicion plan antiga dera Val d'Aran que s'a recuperat pendent es darrèri ans. Era gent se disfrasse damb pèths e esquères en tot èster era darrèra hèsta de Magràs deth país. Començarà a compdar des 19:00.
Er Stadium de Beret acuelh era 10au edicion deth Trofèig Fundació Jesús Serra. Dissabte 11 de març aurà lòc era modalitat de Gigant e dimenge 12 de març se celebrarà eth parallel damb es milhors parelhes. Coma cada an, era organizacion aufrís bosses d'estudi as milhors classificats en ua grana hèsta esportiua ena estacion de Baqueira-Beret, a on se demoren centenats de participaires.
Dimenge 12 de març, Vielha acuelh era 4au edicion dera Corsa dera Hemna. Aguesta competicion populara ei eth darrèr acte qu'a lòc entà commemorar era Jornada Internacionau dera Hemna deth passat 8 de març. Era pròva començarà entàs 11:00 ena plaça deth Conselh Generau d'Aran. I aurà un circuit urban pes carrèrs de Vielha de 5 kms.
Ath delà, era Sala Era Audiovisuau de Vielha aufrís un nau film. En aguest cas, ei "Logan". Dissabte 11 de març, era session serà entàs 22:00. Dimenge 12 de març, era projeccion serà entàs 17:00 e es 19:30, e deluns 13 de març (dia der espectador), era session aurà lòc entàs 22:00.
Dissabte 11 e dimenge 12 de març, eth Palai de Gèu de Vielha ei eth scenari dera celebracion deth Campionat de Catalonha de Patinatge Artistic, damb un totau de 106 patinadors arribadi de desparièrs parts der Estat. Un totau de 6 categories, autant entà mainatges coma adults. Deth club CEGVA i aurà ua representacion de 10 patinadors.
Canejan celèbre pendent era jornada de dissabte 11 de març ua naua edicion dera hèsta des Barbacans. Ua tradicion plan antiga dera Val d'Aran que s'a recuperat pendent es darrèri ans. Era gent se disfrasse damb pèths e esquères en tot èster era darrèra hèsta de Magràs deth país. Començarà a compdar des 19:00.
Er Stadium de Beret acuelh era 10au edicion deth Trofèig Fundació Jesús Serra. Dissabte 11 de març aurà lòc era modalitat de Gigant e dimenge 12 de març se celebrarà eth parallel damb es milhors parelhes. Coma cada an, era organizacion aufrís bosses d'estudi as milhors classificats en ua grana hèsta esportiua ena estacion de Baqueira-Beret, a on se demoren centenats de participaires.
Dimenge 12 de març, Vielha acuelh era 4au edicion dera Corsa dera Hemna. Aguesta competicion populara ei eth darrèr acte qu'a lòc entà commemorar era Jornada Internacionau dera Hemna deth passat 8 de març. Era pròva començarà entàs 11:00 ena plaça deth Conselh Generau d'Aran. I aurà un circuit urban pes carrèrs de Vielha de 5 kms.
Ath delà, era Sala Era Audiovisuau de Vielha aufrís un nau film. En aguest cas, ei "Logan". Dissabte 11 de març, era session serà entàs 22:00. Dimenge 12 de març, era projeccion serà entàs 17:00 e es 19:30, e deluns 13 de març (dia der espectador), era session aurà lòc entàs 22:00.
Manu Moga