Visites guidades per Naut Aran gratuïtes
Entà qu'es vesins e visitaires poguen descorbir aguest municipi e es sòns emplaçaments mès espectaculars
Er Ajuntament de Naut Aran a aufrís pendent tot er ostieu rotes guidades dera man dera enterpresa Camins, referéncia en mon des rotes de caminada en montanha e organizadors deth Val d’Aran Walking, entà poder descorbir es entorns e paisatges mès espectaculars d’aguest municipi.
En aguest sens, se hèn 5 gessudes per setmana en tot hèr-les de dimèrcles enquiath dimenge.
Es caminades van dera ora enquias 3-4 ores e se pòt contemplar, entre d’auti, eth mirador de corilha, ua visita per tot eth casc antic e emplaçaments mès destacadi de Salardú, çò de madeish damb era poblacion d’Arties, ua visita entàs miradors de Naut Aran, çò qu’ei denominat tanben coma era zòna des skylines a on se pòt gaudir dera vista des diuèrsi pòbles d’aguest endret d’ua forma completament clara, o ua visita entara estacion d’esquí de Baqueira Beret.
Cau rebrembar qu’actuauments, Baqueira Beret dèishe dubèrt eth telessèra deth Clòt der Ós entà qu’es vesins e visitants que volguen poguen gaudir des vistes des montanhes deth complèx en ostieu autant coma des rotes pes Lacs deth Clòt der Ós que son fòrça demandadi en aguesta epòca.
