Visita der inspector d'educacion, Manel Serrabona, ar Ajuntament de Bossòst
19/12/2023
Er Ajuntament s'a amassat damb eth Sr. Manel Serrabona Mas, inspector d'educacion, en tot acordar ua prumèra accion imminenta de seguretat perimetral, que serà realizada pera delegacion territoriau de l’Alt Pirineu i Aran jos era direccion dera arquitècta dera pròpria delegacion. Ath delà, s'a programat ua dusau entrevista presenciau damb era delegacion territoriau, en tot daurir oportunitats entà discutir e implementar intervencions integraus.
En un desvolopament positiu, aué, se mos a comunicat de manèra oficiau era concession d'ua subvencion de 6992,44€ entara redaccion deth projècte d'execucion d'òbra. Aguest finançament ei essenciau entà auançar en projècte de reabilitacion complèta deth demorat cinèma. S'arregraís era collaboracion de toti es implicadi, e se contunharà d'informar sus es progrèssi deth procès.
HÒNT: AJUNTAMENT DE BOSSÒST
Manu Moga