Vielha regule un espaci d'autocaravanes en municipi

Vielha e Mijaran aufrirà ua alternatiua entàs veïculs que medissen mès de 2,20 mètres en tot deishar-les estacionar ena carretèra dera bonaigua dera poblacion de Vielha entà que casi com es des autocaravanes se poguen solventar d’ua forma mès eficienta. Actuaument, eth consistòri auie metut un pedaç en tot deishar estacionar aguest tipe de veïculs en parcatge des militars de Vielha, totun, a compdar d’ara, sonque i poderàn demorar aquiu veïculs de mèns de 2 mètres 20 excèpte es autocars.

Era polemica ven de hè dejà fòrça ans enes qu’eth sector des autocaravanes especiaument se planhe de que non compden damb emplaçaments a on poder aparcar e pernoctar e que de cada viatge mès se les regule e restringís eth sòn accès ath territòri. Naut Aran amassa damb eth Conselh Generau abilitèc pendent aguesta sason d’iuèrn un totau de 50 places en parcatge de 1500 , e eth municipi tanben aufric era possibilitat de 30 places mès rotacionaus a 72 ores entà que poguessen aparcar. Totun, er aument d’aguest tipe de veïculs sustot ena sason d’iuèrn an a hèt a generar un problèma que, pas a pas, se sage de milhorar.