Vielha inaugure ua escultura en aumenatge ara gent grana, pr'amor dera pandémia dera COVID-19

Er acte a estat entestat peth baile de Vielha e Mijaran, Juan Antonio Serrano, e era sindica d'Aran, Maria Vergés, e a compdat damb era preséncia der autor dera òbra, José Antonio Díez de Quevedo "Jadiku", qu'a liurat desinteressadament era òbra a Vielha, en tot auer ua vinculacion estreta damb eth territori, a on i viu des de hè força ans.

En acte tanben s'a liurat ua replica as casaus deth jubilat de Vielha e de Bossòst.

"Arregraïm fòrça a "Jadiku" qu'age aufrit aguesta escultura a Vielha, en tot reconéisher eth valor e er esperit dera gent grana en aguesta epòca dificil que viuem", comente eth baile de Vielha e Mijaran, Juan Antonio Serrano. E ahig que "èm eth prumèr municipi que compde damb ua escultura en aumenatge ara gent grana, ço que mos hè orgulhosi, en tot mostrar respècte e admiracion peth sòn papèr pendent era pandémia".

HÒNT: AJUNTAMENT VIELHA E MIJARAN