Vielha inaugurarà ua escultura en aumenatge ara esquiadora Blanca Fernández Ochoa
14/12/2022
Eth pròplèu dissabte 17 de deseme, entàs 16:30 ores, se descorbirà era pèça qu’ei òbra der escultor basc, Josean Quevedo “Jadiku”, e que se traparà ena Avenguda deth Solan, ath cant der Institut d’Aran
Aguest aumenatge pòstum ei amiat a tèrme conjuntament per Ajuntament de Vielha e Mijaran, eth Conselh Generau d’Aran, Baqueira-Beret e era Real Federación Española de Deportes de Invierno.
HÒNT: AJUNTAMENT VIELHA E MIJARAN
Eth pròplèu 17 de deseme, entàs 16:30 ores, s’amiarà a tèrme era inauguracion dera escultura en aumenatge ara esquiadora Blanca Fernández Ochoa, ena Avenguda deth Solan de Vielha, ath cant der Institut d’Aran.
Era escultura ei òbra der artiste basc Josean Quevedo “Jadiku”, que ja pendent era pandémia inaugurèc ua escultura en aumenatge ara gent grana, que se trape deuant der Espitau Val d’Aran.
Blanca Fernández Ochoa, mòrta hè tres ans ara edat de 56 ans, auec ua relacion fòrça estrèta damb Vielha e damb era Val d’Aran. Damb onze ans se trasladèc entà Vielha, entath centre d’entrenament damb internat entà esportistes d’iuèrn (plaçat en antic estudi Joan March e actuau Institut d’Aran) a on comencèc a desvolopar era sua carrèra d’esquiadora.
Blanca Fernández Ochoa, mòrta hè tres ans ara edat de 56 ans, auec ua relacion fòrça estrèta damb Vielha e damb era Val d’Aran. Damb onze ans se trasladèc entà Vielha, entath centre d’entrenament damb internat entà esportistes d’iuèrn (plaçat en antic estudi Joan March e actuau Institut d’Aran) a on comencèc a desvolopar era sua carrèra d’esquiadora.
Damb aguesta escultura se vò hèr rebrembe e reconéisher eth legat de Blanca, damb arraïtzes en Vielha e en Baqueira-Beret, a on siguec ua abituau, pr’amor que favoric era promocion der esquí. Cau rebrembar que siguec era prumèra hemna en obtier ua medalha olimpica entà Espanha, damb un bronze guanhat en eslàlom des Jòcs Olimpics d’Albertville en 1992.
Era familha Fernández Ochoa tostemp siguec fòrça ligada ath mon der esquí, a on destaquèc eth sòn frair Paco, qu’ei er unic esquiador espanhòu enquiara en guanhar ua medalha d’aur en ues olimpiades d’iuèrn (Sapporo 1972), e que motivèc a Blanca a seguir es sòns passi. Fin finau, es tanben germans, Juan Manuel, Luis e Lola tanben sigueren olimpics.
Era familha Fernández Ochoa tostemp siguec fòrça ligada ath mon der esquí, a on destaquèc eth sòn frair Paco, qu’ei er unic esquiador espanhòu enquiara en guanhar ua medalha d’aur en ues olimpiades d’iuèrn (Sapporo 1972), e que motivèc a Blanca a seguir es sòns passi. Fin finau, es tanben germans, Juan Manuel, Luis e Lola tanben sigueren olimpics.
HÒNT: AJUNTAMENT VIELHA E MIJARAN
Manu Moga