Vielha e Mijaran substituirà er enlumenat actuau per un sistèma LED ena via publica

Vielha e Mijaran vò auançar en ahèr d’eficiéncia energetica. 

E ac a comunicat en darrèr Plen celebrat pera corporacion municipau, a on damb es vòts a favor dera equipa de govèrn  d'Unitat d'Aran e dera oposicion de Convergéncia Aranesa, a aprovat eth Plan Director d’eficiéncia energetica en enlumenat deth municipi. 

Damb aguest estrument se substituirà er enlumenat actuau per un sistèma LED ena via publica.

Eth projècte permeterà un estauvi economic e energetic fòrça important en conjunt de toti es pòbles de Vielha e Mijaran.

D’aguesta manèra, eth conjunt de toti es pòbles de Vielha e Mijaran se beneficiarà dera implantacion d'un sistèma LED en enlumenat enes pròplèus ans, en tot auançar en sostenibilitat e estauvi.