Vielha e Mijaran finalize un gran ostiu damb ua cinquantia d’eveniments autant culturaus coma esportius
15/09/2023
Eth municipi a tornat a èster un referent en Pirenèu damb ua nauta preséncia toristica, ena que pendent tres mesi i a agut activitats de tot tipe, e entà toti es publics.
Era preséncia de toti aguesti eveniments esportius generèc ua repercusion economica de mès de 2 milions d’èuros en benefici deth sector toristic de Vielha e Mijaran, en tot èster un des milhors ostius autant de Vielha coma deth conjunt dera Val d’Aran des darrèri 30 ans.
"Èm fòrça satisfèti per auer barrat un ostiu damb tanti eveniments esportius e culturaus qu’an generat qu’age estat ua grana sason, coma ja ei abituau pendent hè fòrça ans”, comente eth baile de Vielha e Mijaran, Juan Antonio Serrano. E ahig que “auem compdat autant damb activitats en carrèr coma enes installacions municipaus, e seguiram damb aguesta linha de trabalh pendent era tardor e er iuèrn, damb fòrça mès activitats entà tota era familha. Èm un referent en Pirenèu, e atau volem contunhar”.
HÒNT: AJUNTAMENT VIELHA E MIJARAN
HÒNT: AJUNTAMENT VIELHA E MIJARAN
Manu Moga