Vielha e Mijaran compdarà damb naues installacions esportiues
11/02/2022
Eth consistori bastirà un camp de fotbòl e ua pista d'atletisme entre d'auti
Er equip de govèrn der Ajuntament de Vielha e Mijaran trabalhe ena redaccion d'un important projècte entara creacion de diuèrsi equipaments esportius municipaus, que se bastiràn enes terrens dera Escòla Garona.
Aguest projècte contemple un camp de fotbòl d'èrba artificiau, ua pista d'atletisme, diuèrsi espacis poliesportius, ua zòna de pic-nic e tanben s'apariarà tota era rèisha perimetrau deth recinte. Totes es activitats se poderàn realizar damb seguretat, pr'amor que se tracte d'un espaci barrat e protegit entàs sòns usatgèrs.
HÒNT: AJUNTAMENT VIELHA E MIJARAN
Aguest projècte contemple un camp de fotbòl d'èrba artificiau, ua pista d'atletisme, diuèrsi espacis poliesportius, ua zòna de pic-nic e tanben s'apariarà tota era rèisha perimetrau deth recinte. Totes es activitats se poderàn realizar damb seguretat, pr'amor que se tracte d'un espaci barrat e protegit entàs sòns usatgèrs.
En aguest sens, s'a amassat damb era direccion deth centre escolar entà acordar era remodelacion integrau der actuau pati emplegat pes escolans de primària e infantil entà acuélher totes es activitats previstes.
En madeish pati tanben s'apariaràn es rèishes d'evacuacion d'aigües pluviaus e s'adaptarà damb jòcs e espacis pedagogics, en tot fomentar era psicomotricitat entre er alumnat mès petit dera escòla.
HÒNT: AJUNTAMENT VIELHA E MIJARAN
Manu Moga