Vielha e Mijaran barre totes es installacions municipaus coma mesura de prevencion deuant eth coronavirus

Aguest ei er aspècte que presenten es installacions de Vielha e Mijaran des d’aguesta tarde.

Equipaments municipaus que demoraràn atau, barradi, enquia au mens eth 31 de març. Ua mesura qu’er Ajuntament de Vielha e Mijaran non a tardat en préner en veir era rapida evolocion deth coronavirus en Catalonha e seguir es recomanacions des autoritats sanitàries. 

Tot e que ena Val d’Aran non i a encara cap de cas de coronavirus confirmat, des deth Consistòri lancen ua sèria de recomanacions a préner coma ciutadans. 

S’anullen tanben totes es activitats collectives en municipi. 

Ath delà, en tot seguir es ordes dera Generalitat, toti es centres educatius aranesi demoraràn barradi pendent dues setmanes a compdar de deman. 

D’auti municipis aranesi apròven tanben mesures, coma er Ajuntament deth Naut Aran, qu’a anullat totes es activitats sociaus o Bossòst, qu’a barrat eth Casau deth Jubilat.