Vielha e Mijaran apròve ua naua modificacion pressupostària

Eth plen der Ajuntament de Vielha e Mijaran a aprovat aué, en session ordinària, era 2au modificacion de credit deth pressupòst municipau de 2024, qu’ei avalorada en 2.849.000,€.

Aguesta modificacion permeterà ath consistòri realizar un seguit d’accions de milhora generau deth municipi coma per exemple es 300.000€ destinadi as estudis e trabalhs tecnics entà poder desvolopar futurs projèctes.

En aguesta modificacion tanben s’includís era subvencion des hons Next Generation dera Union Europèa que permeterà ua milhora der enlumenat deth municipi.Atau madeish, er Ajuntament invertirà 31.552,72€ entà adaptar es hilats d’aigües e retirar eth fibrociment des canerades deth carrèr deth Miei d’Arròs, a demana dera Entitat Municipau Descentralizada d’Arròs e Vila. 

Ena via publica s’aquerirà nau mobiliari urban (bancs e paperères) per valor de 40.000€ entà poder substituïr es que siguen maumerencs e ac agen de besonh, en tot milhorar era imatge des pòbles.Tanben se destinarà 36.332€ entà ampliar eth pati de primària dera Escòla Garona