Vielha acuelh eth II Fòrum d'Escòles Verdes dera Val d'Aran, era Alta Ribagorça e eth Pallars Jussà

En aguesta jornada i a participat ath torn d'un centeat d'alumnes e mèstres de primària dera Escòla Garona e es ZER dera Val d'Aran, atau coma dera Escola Ribagorçana de El Pònt de Suert e eth Col•legi Maria Immaculada de Tremp.

S'an realizat talhèrs restacadi damb era sostenibilitat, ua fira de projèctes amiadi a tèrme pes centres, atau coma formacion ath professorat, damb er objectiu de compartir experiéncies e naui aprenedissatges, atau coma promòir era interaccion entre er alumnat e professorat de toti es centres participants.

Eth Centre de Joenessa “Antara” e eth Centre Polivalent an acuelhut diuèrsi espacis formatius entàs mèstres e talhèrs entar alumnat. Ena inauguracion i a participat eth 2au tinent d'alcalde e còsso d'ensenhament de Vielha e Mijaran, Alberto López.

Entà finalizar era jornada a agut lòc era rua de cloenda des participaires pes carrèrs de Vielha.


HÒNT: AJUNTAMENT VIELHA E MIJARAN