Victòria dera UE Bossòst còntra eth St. Gaudens aguesta dimenjada per 2-1
27/03/2017
ESPORTS
Bossòst
Eth passat dissabte tas 20:00 ores auec lòc en camp deth Bossòst eth partit entre era equipa locau e eth Comminges St Gaudens. Dempús dera nheuada deth diuendres non s'auie deth tot clar se se poderie disputar aguest partit, mès ena tarde se decidic qu'eth terren de jòc (tot e trapar-se un shinhau pesat) estaue en condicions d'acuélher un partit qu'acabèc damb 2 gòls a 1 a favor dera UE Bossòst.
Pendent era prumèra part i auec un clar domini des aranesi damb fòrça arribades de perilh ena àrea francesa, passades es prumères 20 menutes arribaue er 1 a 0, mercat per Ori Broto profitant un còrner. Maugrat qu'era equipa estèc superiora en tota era prumèra part, arribèren ath descans damb ua avantatja cuerta entàs visitants.
Des deth començament dera dusau part se podèc veir mès domini e atacs per part des francesi, que pressionèren fòrça e aueren bèra ocasion de gòl clara, mès era UE Bossòst se sostenguec e joguèc ath còntraatac damb energia e damb ues bones ocasions des jogadors Borja Martinez, Charles e Moha el Goumi sense poder arribar a mercar.
Non siguec enquias 5 darrères menutes que non arribèc eth dusau gòl. Luis Cortés aprofitaue ua pilòta ara aurèra dera àrea entà shutar ras e dempús de tocar en garròt entraue ena porteria francesa. Acte seguit, es visitants se quedauen damb sonque 10 jogadors pera expolsion de Boyer, e ena darrèra menuta retalhauen eth marcador damb eth 2-1, resultat finau deth partit.
Ua victòria demorada e trebalhada, fòrça important entà arténher er objectiu de permanéncia.
Era UE Bossòst non jogarà era pròplèu dimenjada, senon qu'eth següent partit serà dissabte 8 d'abriu tàs 20:00 ores en Clarac còntra era equipa Pyrenees Sud.
IMATGE: UE BOSSÒST
Des deth començament dera dusau part se podèc veir mès domini e atacs per part des francesi, que pressionèren fòrça e aueren bèra ocasion de gòl clara, mès era UE Bossòst se sostenguec e joguèc ath còntraatac damb energia e damb ues bones ocasions des jogadors Borja Martinez, Charles e Moha el Goumi sense poder arribar a mercar.
Non siguec enquias 5 darrères menutes que non arribèc eth dusau gòl. Luis Cortés aprofitaue ua pilòta ara aurèra dera àrea entà shutar ras e dempús de tocar en garròt entraue ena porteria francesa. Acte seguit, es visitants se quedauen damb sonque 10 jogadors pera expolsion de Boyer, e ena darrèra menuta retalhauen eth marcador damb eth 2-1, resultat finau deth partit.
Ua victòria demorada e trebalhada, fòrça important entà arténher er objectiu de permanéncia.
Era UE Bossòst non jogarà era pròplèu dimenjada, senon qu'eth següent partit serà dissabte 8 d'abriu tàs 20:00 ores en Clarac còntra era equipa Pyrenees Sud.
IMATGE: UE BOSSÒST
Clara Villar