Vaquèira estrèe ua naua gymkana toristica
31/01/2022
Er Ajuntament de Naut Aran impulse ua naua gymcana digitau en nuclèu de Baqueira nomentada “Eth tresaur de Baqueira” entà qu'es vesins e visitants poguen gaudir d'ua forma diferenta de conéisher aguesti entorns.
Era tematica d'aguesta pròva serà era de descorbir un ingredient secrèt que harà qu'es persones qu'ac artenhen agen felicitat aquiu a on vagen.
HÒNT: AJUNTAMENT DE NAUT ARAN
Aguesta experiéncia ei pensada entà que poguen jogar es familhes amassa e descorbir naues zònes e curiositats jamès sabudes. Aguesta gymcana amassa damb era d'Unha son es dues que s'an establit entàs mès petiti en municipi.
Era tematica d'aguesta pròva serà era de descorbir un ingredient secrèt que harà qu'es persones qu'ac artenhen agen felicitat aquiu a on vagen.
Entà arribar ad açò, s'auràn de resòlver un totau de 10 enigmes en apuprètz 45 menutes de temps.
Damb aguesta incorporacion, se definís eth hilat de gymkanes toristiques de Naut Aran damb er objectiu qu'es vesins e visitants poguen conéisher toti es pòbles deth municipi d'ua forma peculiara, divertida e diferenta.
HÒNT: AJUNTAMENT DE NAUT ARAN
Manu Moga