Urbanizacion des entorns deth depòsit de dèishes de Bèusa
17/08/2018
POLÍTICA
Pendent aguesti dies s'està realizant un engodronament des entorns deth depòsit de dèishes de Bèusa en municipi de Vielha e Mijaran.
Er equipament, que foncione des d'hè dus mesi, a significat ua milhora plan importanta dera gestion ambientau, en tot facilitar era collaboracion ciutadana ena gestion sostenible deth mèdi ambient.
Eth Conselh Generau d'Aran destine un pressupòst de 55.000 euròs en aguesta accion que tanben includís era installacion d’un punt de contròl d’accès entà delimitar es oraris pendent es qu'es usatgèrs pòden accedir ath depòsit.
Era installacion ei bastida sus ua parcèla cedida pera Agéncia Catalana der Aigua (ACA) ath Govèrn d’Aran entara adeqüacion deth depòsit que resultèc maumetut pendent es aiguats de 2013.
En brèu, eth Conselh a previst executar era dusau fasa de bastiment d'aguest equipament, que ja compde damb eth finançament dera Agéncia de Residus de Catalonha e deth sistèma integrat de gestion Ecoembes. Aguesti trebalhs, qu'auràn un pressupòst de 597.943 euròs, permeteràn qu’era installacion compde damb un totau de 14 punts de descarga.
IMATGES: CONSELH GENERAU D'ARAN
Er equipament, que foncione des d'hè dus mesi, a significat ua milhora plan importanta dera gestion ambientau, en tot facilitar era collaboracion ciutadana ena gestion sostenible deth mèdi ambient.
Eth Conselh Generau d'Aran destine un pressupòst de 55.000 euròs en aguesta accion que tanben includís era installacion d’un punt de contròl d’accès entà delimitar es oraris pendent es qu'es usatgèrs pòden accedir ath depòsit.
Era installacion ei bastida sus ua parcèla cedida pera Agéncia Catalana der Aigua (ACA) ath Govèrn d’Aran entara adeqüacion deth depòsit que resultèc maumetut pendent es aiguats de 2013.
En brèu, eth Conselh a previst executar era dusau fasa de bastiment d'aguest equipament, que ja compde damb eth finançament dera Agéncia de Residus de Catalonha e deth sistèma integrat de gestion Ecoembes. Aguesti trebalhs, qu'auràn un pressupòst de 597.943 euròs, permeteràn qu’era installacion compde damb un totau de 14 punts de descarga.
IMATGES: CONSELH GENERAU D'ARAN
Clara Villar